Was üs wichtig isch:

Verpackig

Scho siit über mä Jahr chamä sich bi üs ds Blüemli neme mit Celophan la iipackä.

Wi mr alli wüssä giits gnuä Plastik u so mega schön gsehts ids ja oned uus mit derä Foliä.

D Bluemä u alls anderä Packä mier dr gärn mitm Graspapier ii. Es Papier wo zu 30% us Grassschnitt bestiit u dr räst us recycletem Zällstoff. 

Töpf u Chörb

Dr grösti Tiil vo all üsnä Gsteck u Pflanzigä machä mier i recycletä Töpf us dr Brocki oder vo Lüt wo ifach dsviel Dahiimä hii ka u ned wüssä was machä drmit. 

Fr das üs ds Wasser ned zu dä Gsteckli usluuft bruchä mier diä Foliä wo Abfall wer vodä Bluemä womr iichufä. 

(Leider chü mier di miistä Bluemä numä in Foliä iipackt chuufä ar Bluenäbörsä wil ds Wältwiit so gmacht wird.)

Bluemä u Pflanzä

Wes erhältlich isch chufä mier natürlich Schwizer Bluemä u Pflanzä ii. Leider giits da no chli nachholbedarf vorallem ir Bluemäproduktion aber swird ging chli meh. 

D Chrüter, Setzlig, Früehligsflor, Summerflor, Herbstflor wo mier verchuufä si aber c.a. zu 80% us Schwizer Gärtneriä.

Diä Bluemä womer ds viel hii wärdä verschenkt oder für speter trochnet. 

O d Pflanzä wo verblüeht u mehrjehrig sii wärdä verschenkt, u somit ned verschwendet.