Was üs wichtig isch:


Verpackig

 

Scho siit über mä Jahr chamä sich bi üs ds Blüemli neme mit Celophan la iipackä.

Wi mr alli wüssä giits gnuä Plastik u so mega schön gsehts ids ja oned uus mit derä Foliä.

D Bluemä u alls anderä Packä mier dr gärn mitm Graspapier ii. Es Papier wo zu 30% us Grassschnitt bestiit u dr räst us recycletem Zällstoff. 


Töpf u Chörb

 

Dr grosstii vo all üsnä Gsteck u Pflanzigä machä mier i recycletä Töpf us dr Brocki oder vo Lüt wo ifach dsviel Dahiim hii ka u ned wüssä was machä drmit. 

Klar fröiä mier nes o wemer zwüschädrii nüi Gfäss chü bruchä u verchufä aber das so viel Gfäss unbrucht überall umästöh isch ja o u schad u macht neso Sinn.

 

Fr das nes ds Wasser ned zudä Gsteckli usluuft brüchä mr di Foliä wod Bluemä drin iipackt sii we mier sä iichufä. (Leider isch dr allergrösst Tiil numä i Foliä iipackt erhältlich.)


Bluemä u Pflanzä

 

Wes erhältlich isch chufä mier natürlich Schwizer Bluemä u Pflanzä ii. Leider giits da no chli nachholbedarf vorallem ir Bluemäproduktion aber swird ging chli meh. 

D Chrüter, Setzlig, Früehligsflor, Summerflor, Herbstflor wo mier verchuufä si aber c.a. zu 80% us Schwizer Gärtneriä.

 

Diä Bluemä womer ds viel hii wärdä verschenkt oder für speter tröchnet. 

O d Pflanzä wo verblüeht u mehrjehrig sii wärdä alli verschenkt, u ned furt gschossä.